Nú hefur alls 2017 haustskýrslum verið skilað rafrænt.

Bændur / Búfjáreigendur / umráðamenn búfjár

Smelltu á tengilinn hér að neðan (island.is) til að skrá þig inn með rafrænu auðkenni (veflykli).

Allar nánari upplýsingar um notkun veflykils island.is er að finna á vefsíðu þeirra undir www.island.is/islykill




Opnað hefur verið fyrir skil á haustskýrslum.

Nýjung! Umráðamenn hrossa sem aðeins telja fram hross á haustskýrslu, geta nú skilað haustskýrslu í heimarétt WorldFengs. Allir félagar í hestamannafélögum Landssambands hestamannafélaga og félögum Félags hrossabænda um allt land eiga að hafa frían aðgang að WorldFeng. Þeir sem hafa ekki þann aðgang geta hins vegar skráð sig inn í WorldFeng með sérstökum hjarðbókaraðgangi, nánari upplýsingar um aðgang veitir tölvudeild Bændasamtaka Íslands. (tolvudeild@bondi.is)

Í samræmi við lög um búfjárhald nr. 38/2013 skulu umráðamenn búfjár árlega skila haustskýrslu  um búfjáreign, fóður og eftir atvikum landstærðir. Haustskýrslu skal skrá og skila rafrænt á síðunni www.bustofn.is. 
Þeir sem eiga eða halda búfé en hafa ekki verið skráðir búfjáreigendur í Bústofni er bent á að hafa samband við dýraeftirlitsmenn sem annast nýskráningar. Upplýsingar um dýraeftirlitsmenn má nálgast á heimasíðu Matvælastofnunar. 

Aðgengi að www.bustofn.is er fengið með rafrænum lykli  ( Íslykill ) og opnast aðgangur þegar kennitala og lykilnúmer hafa verið skráð. Íslykill er gefinn út af Þjóðskrá og er lykilorð hans tengt kennitölu einstaklings eða lögaðila. 

Nánari upplýsingar um Íslykil má nálgast á síðunni www.island.is . Hafi ekki verið sótt um Íslykil er hægt að gera það eftir að aðgangur að skýrslu hefur verið ræstur með hnappnum sem sýndur er á forsíðu Bústofns. Íslykil er hægt að fá sendan í heimabanka og tekur það um 5 -10 mínútur. Eins er hægt að fá hann sendan í bréfpósti og tekur það 4-6 virka daga. 

Þeir sem ekki hafa tök á því að skila sjálfir í gegnum Bústofn stendur til boða þjónusta Ráðgjafamiðstöðvar landbúnaðarins RML við skil á haustskýrslu, fyrir þá þjónustu er innheimt samkvæmt gjaldskrá RML. Hafa má samband við RML í síma 516-5000 eða með tölvupósti á netfangið rml@rml.is. Vert er að taka sérstaklega fram að RML veitir ekki notendaþjónustu við forritið Bústofn.
 

Dýraeftirlitsmenn

Athugið: Innskráning hér að neðan er eingöngu fyrir dýraeftirlitsmenn.